चन्द्रपुर – रौतहटको चन्द्रपुर नगरपालिकाको समन्वय र छोरीद्धारा आयोजना गरीएको बालबालिकाः हाम्रो गौरब परियोजना अन्र्तगत चन्द्रपुर नगरपालिकाको सरोकारवालाहरुबीच अन्र्तक्रिया कार्यक्रम चन्द्रनिगहापुरमा सम्पन्न भएको छ । कार्यक्रमको सभाअध्यक्ष रुपमा छोरी संस्थाका कार्यसमिति सदस्य छाँया देवकोटाले गर्नुभएको थियो । कार्यक्रमको प्रमुख अतिथि चन्द्रपुर नगरपालिकाका प्रमुख श्री संजय काफ्लेले गर्नुभएको थियो । विशेष अतिथिको रुपमा इलाका प्रशासन कार्यालय चन्द्रनिगहापुरका प्रमुख झलेन्द्र प्रसाद चापागाईले गर्नुभएको थियो । कार्यक्रममा २९ जनाको उपस्थिति रहेको थियो । कार्यक्रममा स्वागत मन्तव्य छोरीको फिल्ड अफिसर पूजा चौधरीले गर्नुभएको थियो । कार्यक्रमको प्रस्तुतीकरण छोरीका संस्थापक अध्यक्ष तथा कार्यकारी निर्देशक श्री हिरा दाहाल ज्यूले गर्नुभएको थियो । वहाँले छोरी भएकै कारण भोग्नुपरेको समस्या तथा त्यसको निराकरणको लागि अभियानहरु चलाएको र चन्द्रपुरमा बालबालिकाहरुको अधिकार स्थापितको लागि काम गर्न सुरु गरीएको र विभिन्न क्षेत्रका सरोकारवालाहरुसंग काम गर्ने र सबैको सहकार्यको लागि अनुरोध गर्नुभयो । चन्द्रपुर वडा नं १० का वडाअध्यक्ष टंकेश्वर चौधरीले यो कार्यक्रम आफ्नो वडामा संचालन गरीएकोेमा छोरीलाई धन्यवाद दिदै यो अभियानमा आफुपनि संगै रहेको बताउनुभयो । त्यसैगरी चन्द्रपुर ९ का वडाअध्यक्ष नवराज देवकोटाले छोरीले गरेको कार्य राम्रो लागेको यसमा वडाबाट गर्नु मिल्ने काममा आफुले सहयोग गर्ने बताउनुभयो । इटा व्यवसायी संघ रौतहटका अध्यक्ष प्रल्लाद बन्जाराले इटा भट्टामा बालबालिका बोकेर आउने र तिनिहरुको व्यवस्थापनमा समस्या भइरहेको र त्यसलाई व्यवस्थापनमा इटा भट्टाको तर्फबाट आफुले गर्न सक्ने सहयोग गर्ने भन्ने कुरा व्यक्त गर्नुभयो । महिला सुरक्षा दबाब समूहका अध्यक्ष देवकी नेपालले छोरीले गर्ने कार्य पारदर्शि हुनुपर्ने र अभियानमुखि हुनुपर्नेमा जोड दिनुभयो । चन्द्रपुर नगरपालिका उपमेयर जयमाला चौधरीले आफु छोरी भएर पनि संघर्ष गर्नुपरेको र अरुलाई पनि अगाडी बढन सहयोग गर्ने प्रतिबद्धता व्यक्त गर्नुभयो । त्यसैगरी नगर प्रमुख संजय काफ्ले नगरभित्र भएको समस्याहरुलाई जानकारी गराउन अनुरोध गर्दै आफुले यस अभियानमा सक्रिय रहने र २ वटा वडाको सिकाईले नगरमा पनि अभियान चलाउन सक्ने कुरा व्यक्त गर्नुभयो ।
त्यसैगरी बालबालिका , पत्रकार , महिला अधिकारकर्मी, इलाका प्रहरी कार्यालय चन्द्रनिगहापुरका डिएसपी सन्तुलाल प्रसाद जयसवाल लगायतको उपस्थिति रहेको थियो । केएनएचको सहयोगमा भएको उक्त कार्यक्रमको संचालन छोरीको परियोजना संयोजक कोपिला तिमल्सिना ले गर्नुभएको थियो ।
छोरीद्धारा परियोजनाको परिचयात्मक कार्यक्रम सम्पन्न
