नेपाल पत्रकार महासंघ रौतहट शाखाको साधरण सभा कार्तिक २६ गते हुने

गौर – नेपाल पत्रकार महासंघ रौतहट शाखाको साधारण सभा कार्तिक २६ गते शनिवार हुने भएकोछ । महासंघको केन्द्रीय कार्यालयले गरेको परिपत्र अनुसार कार्तिक मसान्त भित्र सम्पन्न गर्न तोके बमोजिम कार्तिक २६ गते रौतहट शाखाले साधरण सभा गर्न लागेको हो । जिल्लाका सबै पालिकामा पत्रकार महासंघको गतिविधि गर्ने भनि लिएको उदेश्य अनुरुप यस वर्षको साधारणसभा दुर्गा भगवती गाउँपालिकामा गर्न लागिएको महासंघका रौतहट सभापति प्रेम चन्द्र झाले जानकारी दिएका छन । सो साधारणसभाको प्रमुख अतिथिको रुपमा नेपाल पत्रकार महासंघका केन्द्रीय अध्यक्ष विपुल पोखरेल आउने भएका छन ।नेपाल पत्रकार महासंघ रौतहटका अध्यक्ष प्रेमचन्द्र झा को अध्यक्षतामा चन्द्रनिगाहपुरमा बसेको बैठकले साधारणसभा गर्ने स्थान तथा प्रमुख अतिथि बारे निर्णय गरेको हो । सो बैठकमा केन्द्रीय सदस्य शिवपुरीको विशेष उपस्थिति रहेको थियो । साधारणसभा गर्ने निर्णय गत कार्तिक ४ गतेको बैठकबाट भएको थियो । प्रमुख अतिथि र साधारणसभा स्थलबारे सोमबार बसेको बैठकले टुङ्गो लगाएको हो । सो बैठकले पत्रकार महासंघको नयां सदस्यता खोल्ने निर्णय गर्नुको साथै जिल्लाका सञ्चारकर्मी तथा संचार संस्था सुचिकृत गर्ने भएको छ । नया सदस्यताका लागि आवेदन दिने समय २०७९ मंसिर १५ गते देखि मंसिर मसान्तसम्म तथा सुचिकृत हुन मंसिर १० गतेसम्मको समय दिने निर्णय गरिएको शाखाका सभापति झाले जानकारी दिए । महासंघको बैठकले सञ्चारकर्मीको सवारी साधनको दुरुपयोग रोक्न तथा आफ्नै सुरक्षाका लागि सवारी साधनमा लेखिएको प्रेस मेटने निर्णय गरेको तथा यसमाजिल्ला ट्राफिक प्रहरी कार्यालय चन्द्रनिगाहपुरको सहयोग लिई पालना गराईने निर्णय भएको सभापति झाले बताए । असली नाम थर लेख्न तथा नामको आगाडी पछाडी जर्नलिस्ट आरजे र पत्रकार नलेख्न सञ्चारकर्मीलाई आग्रह गर्ने महासंघले निर्णय गरेकोछ । सो बैठकले सञ्चार माध्यम तथा सामाजिक सञ्जालमा आधारहिन तथ्यहिन, भ्रामक सुचना सम्प्रेषण नगर्न नगराउन आग्रह गर्ने निर्णय समेत गरेका छन ।