गौर- रौतहट क्षेत्र नंं १ मा नेकपा एमालेको जित सुनिश्चित रहेको क्षेत्र नं. १ क का प्रदेश सभा सदस्य उमेदवार राजकिशोर यादबले बताएका छन । एमालेप्रति जनताको आशा र बिश्वास बढदै गएको कारण आउदो मंसिर ४ गते हुने निर्वाचनमा रौतहट क्षेत्र नम्बर १ मा एमालेलाइ जिताउन जनता आतुर रहेको उमेदवार यादबले बताए । उनले आफुले जितेको अबस्थामा आफनो क्षेत्रको बजेटमा कसैले कमिसन खाए वा मागे कलर समातेर कालो मोसो दलेर सजाय दिए आफु सहने बताएतका छन । आफनो क्षेत्रको घरदैलो अभियानलाइ तिब्रता बनाएका यादबले आफु निस्वार्थ भएर समाजको काम गदै आएको हुदा इज्यतको साथ जनताको काम गरेर बस्ने बताएका छन । नेपाल रेडक्रस सोसाइटी रौतहट शाखाका सभापति समेत रहेका यादबले नेकपा एमालेको तर्फबाट रौतहट क्षेत्र नं. १ को क मा प्रदेश सभा सदस्यको लागी उमेदवार दिएका छन । लामो समय देखी समाजसेवा र राजनितिमा सक्रिय यादब सो भेगका चर्चित ब्यक्ती हुन ।
प्रतिनिधि सभा र प्रदेश सभाका लागी मतदान गर्न अब केहि दिन मात्र बाकि रहेकोले मतदाताको मन जित्न स्थानिय गाँउघरमा घरदैलो अभियान लाई तिब्रता प्रदान गरेका रौतहट क्षेत्र नम्बर १ को क का उम्मेदवार राजकिशोर यादवले यो निर्वाचनले विगतको भन्दा फरक रहने दाबी गरेका छन् ।
संघियता पछि पहिले भएको निर्वाचनबारे जनता अनभिज्ञ रहेकोले पनि विगतका प्रतिनिधिहरुले जनतालाई अध्यारोमा पारी ठगी गरेको आरोप लगाएका छन् ।
निर्वाचनको क्रममा उम्मेदवारले झुठो वाचा गरेर पुरा नगर्नु पनि ठगी मुद्धा जस्तै कसुर सरह भएको भन्दै त्यस्तो उम्मेलवारलाई जनताको मतले सजाय पाउने यादवको तर्क रहेको छ ।
घरदैलो कार्यक्रमलाई सम्बोधन गर्दै प्रदेश सभाका उम्मेदवार यादवले आसिन्न निर्वाचनमा सुर्य चिन्हमा मतदान गरी समृद्धिको बाटो रोज्न सम्पूर्ण मतदाताहरुलाई आग्रह गरेका छन् । आफु निर्वाचित भएको खण्डमा आफ्नो माध्यमबाट हुने कुनै पनि क्रियाकलापमा कमिसनको कुरा प्रमाणित भए राजनितिबाटै सन्यास लिने प्रतिबद्धता गरेका छन् ।
निर्वाचन नजिकिदै गएको बेला रौतहट क्षेत्र नम्बर १ को क मा एमाले उम्मेदवार राजकिशोर यादव तर्फ स्थानिय मतदाताहरुको रुचि तिब्रताका साथ वृद्धि भएको स्थानियहरुले बताएका छन् । सो क्षेत्रमा संघिय संसदमा नेकपा एमालेको तर्फबाट गौर नगरपालिकाका पुर्व नगर प्रमुख अजय कुमार गुप्ता उठेका छन ।
यस्तै नेकपा एसको तर्फबाट सो क्षेत्रमा माधब नेपालको उमेदवारी रहेको छ ।
