चन्द्रपुर – रौतहटमा हुने चन्द्रपुर मेयर गोल्डकप फुटबाल आउदो फागुण २७ गतेबाट शुरु हुने भएको छ । शनिवारबाट शुरु हुने उक्त प्रतियोगिताको तयारी पुरा भएको आयोजक रौतहट फुटबल संघले बिहीबार पत्रकार सम्मेलनबाट जानकारी गराइएको थियो ।
रौतहट जिल्ला फुटवल संघले आयोजना गर्ने मेयरकपमा चन्द्रपुर नगरपालिकाको सहयोग तथा नेपाल खेलकुद क्लबको समन्वयमा प्रतियोगिता हुन लागेको हो । मधेश प्रदेशका ८ जिल्लाका टिम सहभागी रहने छन् । फाल्गुन २७ गतेदेखि चैत्र ४ गतेसम्म खेल हुने र उक्त खेलमा प्रथम हुनेलाई नगद २ लाख र द्धितीय हुनेलाई एक लाखको व्यवस्था गरिएको छ । चन्द्रनिगाहपुरमा बिहिवार आयोजित पत्रकार सम्मेलनमा बोल्दै नेपाल खेलकुद महासंघका महासचिव मधुसुदन धितालले प्रतियोगिताको तयारी पुरा भईसकेको जानकारी दिए । खेल चन्द्रपुर
वडा नं। ४ स्थित तुलसीलाल अमात्य स्मृती रंगशाला हुने जानकारी दिएका छन् । यस प्रतियोगितामा प्रत्येक खेलाडीलाई हरेक दिन भता दिइने तथा यातयातको पनि सुविधा रहेको धितालले जानकारी दिए ।
प्रत्येक खेलको म्यान अफ द म्याचलाई ५ हजार नगद तथा उत्कृष्ट खेलाडीलाई एक थान मोटरसाईकल दिईने उनले जानकारी दिएका छन । खेल प्रतियोगितामा अनुमानित २१ लाख लाग्ने र अन्य स्रोतबाट ६ लाख र चन्द्रपुर नगरपालिकाबाट १५ लाख सहयोग उपलब्ध हुने पत्रकार सम्मेलनमा जानकारी गराइएको छ । विगतका बर्षमा हुँदै आएको खेललाई यस बर्ष पनि निरन्तरता दिइएको उनको भनाई छ ।
लिंग चरणको आधारमा हुने प्रतियोगिताको समुह क अन्तर्गत बिरगंज युनाईटेड पर्सा,गोल ब्जार स्पोर्ट्स कल्व सिरहा,बागमती युवा क्लव सर्लाही,धनुषा ११ धनुषा,
खेल्ने छ भने समुह ख मा जनज्योति स्पोर्ट्स कल्व लालबन्दी, बेङखाडी युवा क्लव महोत्तरी,रौतहट ११ रौतहट र नव जनजागृती युवा क्लब सिमराका टिम सहभागी हुने भएका छन् ।
चन्द्रपुर मेयर गोल्डकप फुटबल प्रतियोगिता फागुण २७ बाट शुरु
