चन्द्रपुर,३ असोज
रौतहटको चन्द्रपुर नगरपालिकाले संबिधान दिवशको अबसर पारेर तेक्वान्डो खेलाडीहरुलाइ ट्रयाकसुट हस्तान्तरण गरेको छ ।
बिहीबार देखी काठमाडौंमा हुने राष्ट्रिय तेक्वान्दो प्रतियोगितामा खेल्न जाने खेलाडीलाई चन्द्रपुर नगरपालिकाका नगर प्रमुख संजय कुमार काफलेले ट्रयाकसुट हस्तान्तरण गरेका हुन ।
चन्द्रपु्र नगरपालिकाको कार्यालयमा आयोजित कार्यक्रममा नगर प्रमुख काफलेले ति खेलाडीहरुलाइ विदाई समेत गरेका छन । खेलाडीहरुलाइ खेल प्रति हौसला बढाउने उदेश्यले प्रतियोगितामा खेल्न जाने खेलाडी तथा कोचलाई ट्रयाकसुट ,तथा भाडा समेत हस्तान्तरण गरेको नगर प्रमुख काफलेले बताए ।
आफनो नगर भित्रका बिभिन्न खेलहरु प्रति खेलाडीहरुको हौसला बढाउन नगरपालिकाले सहयोग गदै आएको र सोही अनुसार सहयोग गरेको नगर प्रमुख काफलेले बताएका छन ।
तेक्वान्डोका १३ जना खेलाडी र २ जना प्रशिक्षकलाइ ट्रयाकसुट र भाडा सहयोग गरेको चन्द्रपुर नगरपालिका वडानं १ का वडा अध्यक्ष बलराम राउतले जानकारी दिए ।
उक्त प्रतियोगितामा रौतहटबाट बिबस राना,सबिना गोले,अनमोल सोराली,आसा थापा,सुसान्त कटुवाल लगायतका खेलाडीले भाग लिएको प्रशिक्षक रेबेन्द्र दाहालले जानकारी दिएका छन । भोली देखी हुने सो प्रतियोगितामा नेपाल सहित बिभिन्न १० वटा देशका खेलाडीले भाग लिने उनले बताए ।
संबिधान दिवशको अबसरमा चन्द्रपुरका खेलाडीलाइ ट्रयाकसुट हस्तान्तरण
