रौतहट,२१ असोज
जिल्ला प्रहरी कार्यालय रौतहटले जिल्लाको बिभिन्न स्थानमा रहेका घरेलु मदिरा उत्पादन गर्ने भट्टी नष्ट गरेको छ । जिल्ला प्रहरी कार्यालय रौतहट गौरबाट गएको टोलीले परोहा नगरपालिका वाड नं. ५, राजपुर नगरपालिका वाड नं.५ र मौलापुर नगरपालिका वाड नं. ९ मा रहेको मदिरा उत्पादन गर्ने ८ वटा भट्टी नष्ट गरेको हो । प्रहरीले भट्टी नष्ट गर्नुको साथै तयारी मदिरा ५६० लिटर र मदिरा बनाउने कच्चा पदार्थ ३२०० लिटर बरामद गरेको जिल्ला प्रहरी कार्यालय रौतहटका प्रहरी उपरिक्षक महेन्द्र कुमार श्रेष्ठले जानकारी दिएका छन । बरामद मदिरा र कच्चा पदार्थ नष्ट गरिएको रौतहट प्रहरी प्रमुख श्रेष्ठले बताएका छन । जिल्ला भित्र अबैध रुपमा संचालनमा रहेको घरेलु मदिरा उत्पादन गर्ने भट्टी नष्ट गर्न प्रहरीले जिल्लाभरी नै अभियान चलाएको समेत उनले जानकारी दिएका छन ।
आठ वटा घरेलु मदिरा उत्पादन गर्ने भट्टी नष्ट
