Thursday, April 25, 2024

एमाले चन्द्रपुर नगर कमिटिको अधिवेशन चैत्र ३० गते हुने ,तयारी तिब्र

ताजा / भरखरै प्राप्त

चन्द्रपुर – नेकपा एमाले चन्द्रपुर नगर कमिटीको अधिवेशन यही आउँदो चैत्र ३० गते हुने भएको छ । नेकपा एमाले चन्द्रपुर नगर कमिटीको गत शनिबार बसेको सचिवालय बैठकले उक्त निर्णय गरेको हो । आउँदो चैत २३ गते चन्द्रपुर नगरपालिकाका १० वटा वडामा एकै दिन वडाबाट प्रतिनिधि छनौट गर्ने कार्यक्रम तय भएको छ । सो नगर अधिवेशनमा करिब २०० भन्दा प्रतिनिधिको सहभागिता रहने आयोजकले जनाएको छ ।
शनिबार बसेको सचिवालय बैठकले विभिन्न उपसमिति समेत चयन गरेको छ । नगर अधिवेशन भव्यताका साथ सफल पार्नका लागि विभिन्न उपसमिति गठन गरिएको नेकपा एमाले चन्द्रपुर नगर कमिटीका कार्यवाहक अध्यक्ष राजेन्द्र तिवारीले जानकारी दिएका छन् ।
प्रतिवेदन तथा प्रतिनिधि व्यवस्थापन समितिको संयोजकमा राजेन्द्र तिवारी आर्थिक समितिको संयोजकमा रामसिंहासन यादव, प्रचारप्रसार समितिको संयोजकमा चिरञ्जीवी गौतम, अतिथि सत्कार तथा मञ्च व्यवस्थापन समितिमा लालबहादुर दोङ र रामबहादुर घलान रहेका छन् । शनिबार नेकपा एमालेका केन्द्रीय सदस्य उद्धव प्रसाद रेग्मीको प्रमुख आतिथ्यतामा बसेको सचिवालय बैठकले सो निर्णय गरेको हो ।
बैठकमा प्रदेश कमिटी सदस्य वीरबहादुर गोले, जित बहादुर बिक, नेकपा एमाले रौतहटका सचिव बाबुराम दाहाल र उपसचिव मुना लामिछाने लगायतको उपस्थितिमा बसेको सचिवालय बैठकले सो निर्णय गर्दै नेकपा एमाले चन्द्रपुर नगर कमिटीको अधिवेशन भव्यताका साथ सफल पार्ने निर्णय गरेको हो । नगर अधिवेशनको तयारी तिब्र रुपमा भइरहेको प्रचार प्रसार संयोजक चिरन्जीबी गौतमले जानकारी दिएका छन । नया बन्ने नगर कमिटि चयन गर्ने यो अधिवेशनलाइ सबैले चासोको बिषय बनाएका छन ।

spot_imgspot_img
spot_img

लोकप्रिय

Related Articles