रौतहट,२० साउन
रौतहटमा कटुवा पेस्तोल सहित एकजनालाइ प्रहरीले नियन्त्रणमा लिएको छ । आइतबार साझ ५ बजे गढीमाइ नगरपालिका वाड नं. १ समनपुर बस्ने बिरेन्द्र राउतलाइ कटुवा पेस्तोल सहित प्रहरीले पक्राउ गरेको हो । इलाका प्रहरी कार्यालय गरुडाबाट गएको प्रहरीको टोलीले निज राउतको घरबाट पेस्तोल सहित राउतलाइ पक्राउ गरेको जिल्ला प्रहरी कार्यालय रौतहटकी प्रहरी नायब उपरिक्षक एलिजा गिरीले जानकारी दिएकी छिन । राउतको घरमा अबैध पेस्तोल लुकाइ राखेको सुचना आएपछि प्रहरीले खोजतलास गर्दा आगनमा झारपातले लुकाइ राखेको अबस्थामा पेस्तोल बरामद गरेको प्रहरीले जनाएको छ । यस घटनाबार थप अनुसन्धान भइरहेको जिल्ला प्रहरी कार्यालय रौतहटकी प्रबक्ता गिरीले जनाएकी छिन ।
