Thursday, April 25, 2024

रौतहटका ९८ जना कैदीबन्दीले मतदान गर्न पाउने

ताजा / भरखरै प्राप्त

गौर÷आउदो मंसिर ४ गते हुने प्रतिनिधि सभा तथा प्रदेश सभा सदस्यको लागी जिल्ला कारागार कार्यालय रौतहटमा कैदी बन्दी जीवन विताइरहेका मध्ये ९८ जनाले निर्वाचनमा मतदान गर्ने भएका छन । आसन्न प्रतिनिधिसभा र प्रदेशसभाको निर्वाचनका लागि कैदी बन्दीले पनि मतदान गर्न पाउने भनेपछि जिल्ला कारागार कार्यालय र जिल्ला प्रहरी कार्यालयमा रहेका ९८ जना कैदी बन्दीले मतदान गर्ने भएका छन । जिल्ला निर्वाचन कार्यालय रौतहटका निर्वाचन अधिकारी छोटेलाल दासका अनुसार पहिलो पटक कैदी बन्दीलाई मतदान गर्ने व्यवस्था गरिएको बताए । स्थानीय तहको निर्वाचनमा निर्वाचन आयोगले यस्तो व्यवस्था गरेको थिएन । मतदाता नामावलीमा नाम भएकाले समानुपातिक तर्पm मतदान गर्ने उनले बताए । नेपाली सेनामा रहेका करीव २ सय भन्दा बढ़ी जवानले मतदान गर्ने अधिकारी दासले जनाए । जिल्लामा २ सय ७६ मतदान स्थल कायम गरिएको छ । ५ सय २३ मतदान केन्द्र तथा २ वटा अस्थाइ मतदान केन्द्र गरी ५ सय २५ मतदान केन्द्र रहेको छ । जिल्ला कारागार कार्यालय र जिल्ला प्रहरी कार्यालयमा अलग अलग मतदान केन्द्र स्थापना गरिने र त्यसको लागि छुट्टै मतदान अधिकृत नियुक्ति गरिएको दासले बताए । दासका अनुसार पहिलो नम्बरमा प्रत्यक्ष तर्फको रातो रंगको मतपत्र दिइने छ भने दोस्रो नम्बरमा प्रतिनिधि सभातर्फको सेतो कालो रंगको समानुपातिकको मतपत्र दिइने छन् । प्रदेशसभा तर्फको प्रत्यक्षको लागि ३ नम्बर र समानुपातिकका लागि ४ नम्बर मत पेटिका प्रयोग गर्न सकिने गरी मतदान केन्द्रमा व्यवस्था गरिएको छ । निर्वाचनका लागि ४ हजार १ सय ८४ जना कर्मचारी खटिने जिल्ला निर्वाचन कार्यालयले जनाएको छ । रौतहटमा ४ लाख १५ हजार ४ सय ५५ मतदाता रहेका छन । १ जना तेस्रो लिंगीको संख्या रहेको छ ।

spot_imgspot_img
spot_img

लोकप्रिय

Related Articles