Tuesday, March 5, 2024

‘मकवानपुरका २ मेयर’ एक आचारसंहिताको सम्मानमा, अर्का दलको प्रचारमा

ताजा / भरखरै प्राप्त

हेटौंडा÷उत्तरी मकवानपुरको थाहा नगरका मेयर लवशेर बिष्टले राजीनामा दिएका छन् । बिहीबार मेयर बिष्टले उपमेयर खड्ग गोपालीसमक्ष राजीनामा दिएका हुन् । आसन्न निर्वाचनका लागि पार्टीको चुनाब प्रचारप्रसारमा लाग्न आचारसंहिताको सम्मान गर्दै राजीनामा दिइएको नगर प्रमुख बिष्टले बताए ।

नगर प्रमुखमा रहेर पार्टीको कार्यक्रममा हिँड्न आचारसंहिताले नदिएका कारण राजीनामा दिइएको हो । माओवादी केन्द्रका आधिकारिक उम्मेद्वार विष्णु बिष्ट (आदर्श) लाई निर्वाचनमा जिताउनका लागि उनले अबका चुनाबीसभामा सम्बोधन गर्नेछन् ।

थाहा नगरका मतदाताले पुनः लवशेरलाई नै नगर प्रमुख जिताउने बताइरहे पनि बिष्टले एक कार्यकालमात्र काम गर्ने भनेर दोहो¥याएनन् । ५ वर्ष कार्यकालमा थाहा नगरको विकासमा फड्को मारेको वर्तमान नेतृत्वलाई जनताले पुनः जिताउन खोजेका थिए ।

५ वर्ष कार्यकालमा बिष्टले थाहा नगरलाई देशकै उत्कृष्ट स्थानीय तहका रुपमा परिचित गराएका छन् । उनकै पालमा थाहा नगर वित्तीय समानीकरण अनुदान प्रयोजनका लागि प्राकृतिक स्रोत तथा वित्त आयोगले प्रदेश र स्थानीय सरकारको गरेको कार्यसम्पादन मूल्यांकनमा उत्कृष्ट र बेरुजु फच्छ्र्यौट गर्ने विषयमा पनि देशकै सर्वोत्कृष्ट स्थानीय तह घोषित भएको थियो ।

तर, मकवानपुरको अर्को नगर हेटौंडा उपमहानगरका मेयर हरिबहादुर महत भने निर्वाचन आचारसंहिताविपरीत एमालेको चुनाबी अभियानमा लागेका छन् । महत स्थानीय तह निर्वाचनमा उम्मेद्वारको प्रचार अभियानमा लागेका हुन् ।

निर्वाचन आचारसंहिताले स्थानीय कार्यपालिकाका पदाधिकारीले कुनै राजनीतिक दल वा उम्मेद्वारको पक्ष वा विपक्षमा प्रचारप्रसारमा संलग्न हुन वा प्रचारप्रसार गर्न नपाइने व्यवस्था गरेको छ । बहालवाला मेयर नै आचारसंहिताविपरीत पार्टीको चुनाबी अभियानमा भाषण गरेर हिँडिरहेका छन् । महत पछिल्लो दिन नियमितरुपमा चुनाबी अभियानमा गएर आश्वासनसमेत बाँडिरहेको गुनासो अन्य दलका नेता÷कार्यकर्ताको छ ।

spot_imgspot_img
spot_img

लोकप्रिय

Related Articles