नेकपा एमाले रौतहटमा ५५ सदस्यी जिल्ला कार्य समिति पुर्न गठन (समितिमा को को ?)

चन्द्रपुर – नेकपा एमालेको जिल्ला कार्य समिति रौतहटको जिल्ला कार्य समिति पुर्नगठन भएको छ । मंगलबार रौतहटको गरुडामा रहेको तुल्सीलाल अमात्य स्मती प्रतिष्ठान भवनमा आयोजित कार्यक्रममा पुर्नगठित समितिका ५५ जना सदस्यलाइ सपथ ग्रहण गराइएको थियो ।
समितिको संयोजकमा सचितानन्द साह रहेका छन । समितिको सदस्यमा दिपक यादब,बाल बिक्रम कार्की,रुपेश कुमार पटेल,कोपिला तिमलसिना,जगरनाथ अधिकारी,टिका घिमिरे,लोकनाथ पहाडी,झरना आचार्य लगायत गरी ५५ जना रहेका छन । नवगठित रौतहट जिल्ला अधिवेशन आयोजक कमिटिका संयोजक तथा सदस्यहरुलाई पद तथा गोपनियताको सपथ ग्रहण नेकपा एमालेका पोलिटब्युरो सदस्य तथा कार्यक्रमका प्रमुख अतिथि पुरुषोतम पौडेलले सपथ ग्रहण गराएका थिए ।
कटहरिया अधिबेशनबाट जिल्ला कार्य समितिमा चयन भएका मध्य एमाले मै बसेकाहरुलाइ अहिलेको समितिमा राखिएको समितिका सदस्य बाल बिक्रम कार्कीले जानकारी दिए । रौतहटको जिल्ला अधिबेशन बैशाखको २१ गते हुने भएको छ । कटहरिया अधिबेशनबाट अध्यक्षमा चुनिएका त्रिभुवन साह लगायतका ब्यक्तीहरु प्रभु साहको आम जनता पार्टीमा गएका थिए ।
यसैबिच सोही कार्यक्रमबाट नेकपा एमालेले सुरु गरेको मिसन ग्रासरुटको रौतहटमा सुरुवात भएको छ । नेकपा (एमाले) कोे पार्टी सुदृढीकरण तथा विस्तार अभियान ‘मिसन ग्रासरुट’ फागुन ५ गतेदेखि देशभर एकसाथ शुरू हुँदै गरेको हो । कार्यक्रमको सुरुवात गर्दै पार्टीका पोलिटव्युरो सदस्य तथा पूर्वमन्त्री पुरुषोतम पौडेलले पार्टीलाई वैचारिक र संगठनात्मकरूपमा सुदृढ गरी मुलुकमा राजनीतिक स्थायित्वको प्रत्याभूति गर्ने बलियो शक्तिका रूपमा स्थापित गर्न यो विशेष अभियानको आवश्यकता बोध गरेर पार्टीले यो अभियान चलाएको बताए । उनले पार्टीको संगठनात्मक जीवनमा देखापरेका अस्तव्यस्तता र अराजकताका कारण कमिटीगत परिचालनमा समस्या देखापरेका र निर्वाचनका सिलसिलामा विभिन्न गलत प्रवृत्ति प्रकट भएका कारण पार्टीले कैयौं महत्वपूर्ण स्थानहरू गुमाउनुपरेको हुँदा यस्ता समस्याको समाधान गर्ने अभियानको एक प्रमुख उद्देश्य रहेको प्रष्ट पार्दै यो अभियानभरी रौतहटमा पार्टीमा रहेका कमी कमजोरीलाई हटाउँदै पार्टीलाई पहिलो नम्बरको पार्टी बनाउने उद्घोष गरे । पार्टीका रौतहट जिल्ला संयोजक सचिदानन्दन साहको अध्यक्षतामा सम्पन्न कार्यक्रममा पार्टीका केन्द्रिय सदस्यहरु गंगा राय यादव, कल्पना कटुवाल, प्रभु हजारा, मञ्जु थापा लगायत प्रदेश तथा जिल्ला स्तरिय नेता कार्यकर्ताहरुको सहभागिता रहेको थियो । कार्यक्रमको संचालन नेकपा एमाले रौतहट जिल्ला कमिटिका निर्बतमान उप सचिब तथा हालका जिल्ला सदस्य रुपेश कुमार पटेलले गरेका थिए ।