Thursday, June 13, 2024

अनेम संघको आयोजनामा नारी दिवशको अबसरमा शुभकामना आदान प्रदान

ताजा / भरखरै प्राप्त

चन्द्रपुर – नेकपा एमालेको जनसंगठन अखिल नेपाल महिला संघ चन्द्रपुर नगर कमिटिको आयोजनामा ११३ औ अन्तराष्ट्रिय नारी दिवशको अबसरमा चन्द्रनिगाहपुरमा शुभकामना आदान प्रदान कार्यक्रम सम्पन्न भएको छ ।
एमालेकी केन्द्रिय सदस्य कल्पना कटुवालको प्रमुख आथित्यमा उक्त शुभकामना आदान प्रदान कार्यक्रम सम्पन्न भएको थियो । कार्यक्रममा प्रमुख अतिथि कटुवालले महिलाको हक अधिकारलाइ अझ सुनिश्चित गर्दै लैजानुपर्ने बताउनुभएको थियो । हरेक क्षेत्रमा महिलाहरु सक्षम बन्दै गएको अबस्थामा प्राप्त हक अधिकारलाइ नै ब्यबहारमा उतार्नु पर्ने केन्द्रिय सदस्य कटुवालको धारणा रहेको थियो । केन्द्रिय सदस्य कटुवाल सर्लाहीको बरथहवा नगरपालिकाकी नगर प्रमुख समेत हुनुहुन्छ ।
यस्तै नेकपा एमालेका केन्द्रिय सदस्य तथा रौतहट जिल्ला इन्चार्ज उद्धब प्रसाद रेग्मीले महिला दिदी बहिनीहरुको हक र अधिकारको लागी जुनसुकै सहयोग गर्न तत्पर रहेको बताउनुभएको छ । देशको आधा हिस्सा बोकेका नारीहरुले चाहेमा हरेक परिवर्तनहरु सफल हुने उहाको भनाइ रहेको थियो । कार्यक्रममा नेकपा एमाले मधेश प्रदेश कमिटिकी उपसचिब आरती भण्डारीले देशको आमुल परिर्वनतमा महिलाहरुको अहम भुमिका रहेको बताउनुभएको थियो । देश भएको हरेक आन्दोलनमा महिलाको सहभागिता निर्णयक भुमिका रहेको समेत उहाले स्मरण गराउनुभएको थियो ।
नेकपा एमाले पार्टी कार्यालय चन्द्रनिगाहपुरमा आयोजित उक्त कार्यक्रममा नेकपा एमाले मधेश प्रदेश कमिटिका सदस्य खडग बम्जन,चन्द्रपुर नगर कमिटि अध्यक्ष शिव प्रसाद आचार्य,उपाध्यक्ष राजेन्द्र तिवारी,महिला नेत्री लक्ष्मी कार्की लगायतले शुभकामना ब्यक्त गर्नुभएको थियो । नेकपा एमाले नेतृ सरस्वती खुलालले स्वागत मन्तब्य राख्नुभएको उक्त कार्यक्रममा नेपाल शिक्षक संगठन रौतहटकी उपाध्यक्ष रिता दाहाल,नेकपा एमालेको तर्फबाट चन्द्रपुर नगरपालिकाको उप प्रमुख प्रत्यासी मुना लामिछाने, अनेम संघका नगर कमिटिका पदाधिकारीहरु ,बिभिन्न संघ संगठनका पदाधिकारीहरु पार्टीका जिल्ला कमिटिका पदाधिकारीहरु लगायतको उपस्थीती रहेको थियो । अखिल नेपाल महिला संघ चन्द्रपुर नगर कमिटि अध्यक्ष संगिता पहाडीको अध्यक्षतामा सम्पन्न भएको कार्यक्रमको संचालन जिल्ला सदस्य कोपिला तिमलसिनाले गर्नुभएको थियो ।
यसैगरी ११३ औ अन्तराष्ट्रिय नारी दिवशको अबसर पारेर चन्द्रपुर नगरपालिकाको वाड नं. ४ ले पनि शुभकामना आदान प्रदान कार्यक्रम सम्पन्न गरेको थियो । चन्द्रपुर नगरपालिका वाड नं. ४ को आयोजनामा आयोजित कार्यक्रममा सो वाडका महिलाहरुको बाक्लो उपस्थीती रहेको थियो ।
यसैबिच चन्द्रपुर नगरपालिका वाड नं. ३ मा भने नगरपालिकाले दिएको रकमले नेकपा माओबादीको भाृत संगठन अखिल नेपाल महिला संघ क्रान्तिकारीको आयोजनामा भनी कार्यक्रम गरेको छ ।
चन्द्रपुर नगरपालिकाको आर्थिक सहयोगमा वाड कार्यालयले आयोजना गर्नुपर्ने कार्यक्रम माओबादी पार्टीको भातृ संगठन अनेम संघ क्रन्तिकारी आयोजक राखेपछि अन्य पार्टीका महिलाहरु सो कार्यक्रम बहिष्कार गरेको नेकपा एमालेकी नेतृ सरस्वती खुलालले बताउनु भएको छ । वाड कार्यालयको आयोजनामा वाडभरीका सम्पुर्ण महिला दिदी बहिनीहरुलाइ बोलाएर गर्नुपर्ने कार्यक्रम एउटा दलको भातृ संगठनले गर्नु गलत कार्य भएको नेकपा एमालेका वाड कमिटि अध्यक्ष भुनेश्वर गुरोले बताए । नगरपलिकाले नारी दिवश मनाउन हरेक वाडलाइ ३०÷३० हजार सहयोग दिएको थियो ।

spot_imgspot_img
spot_img

लोकप्रिय

Related Articles