Thursday, April 25, 2024

वृन्दावन नगरपालिकाको कार्यालय सार्ने झुटो प्रचार ः नगर प्रमुख कुर्मी

ताजा / भरखरै प्राप्त

रौतहट, २७ फागुन । रौतहटको वृन्दावन नगरपालिकाका कार्यालय सार्ने कुरा झुटो प्रचार गरेको नगरपालिकाका नगर प्रमुख बिनोद प्रसाद कुर्मीले बताएका छन् । नगरपालिकाको कार्यालय हर्षाहामा सार्न लागेको हल्ला यतिबेला हावा सरह विपक्षीले फैलाइरहेको नगरप्रमुख कुर्मीले बताएका छन् । वृन्दावन नगरपालिकाको कार्यालय बिश्रामपुरमा रहेको र सधै बिश्रामपुरमै रहने उनले प्रष्ट पारे ।
पछिल्लो समय विपक्षीले नगरपालिकामा विवाद सँगै विभिन्न किसिमका अधार बिनाका अपवाह कुराहरु समेत फैलाउन थालेको नगरप्रमुख कुर्मीको भनाई रहेको छ ।
नगरपालिकाको कार्यालय हर्षाहा सारेको, नगरपालिकाका कामकाज हर्षाहामा हुने जस्ता अधारहीन कुरा गरेर आम नगरबासीलाई भ्रममा पार्न खोजेको कुर्मीले बताएका छन् ।
थाहाकर्मीसँग कुराकानी गर्दै नगरप्रमुख कुर्मीले भने, आइतबारबाट नियमित कामकाज वृन्दावन नगरपालिकाको कार्यालय बिश्रामपुरबाटै हुन्छ ।
बिहान ९ बजेदेखि बेलुका ५ बजेसम्म सम्पूर्ण कर्मचारी र प्रमुख प्रशासकीय अधिकृत सहित आफु पनि नियमित सेवा दिने बताएका छन् ।
समयमा कार्यालय नआउने कर्मचारीलाई कारवाही समेत गर्ने उनले बताए । कार्यालय कसैले सार्न नसक्ने र कार्यालय सार्न आवश्यक पनि नरहेको उनको भनाइ रहेको छ ।
आफु भ्रष्टाचार मुक्त नगर बनाउने उद्देश्यका साथ अगाडि बढिरहेका बेला विपक्षीहरु आफूलाई बदनाम गराउन लागि परेको उनको भनाइ छ ।
नगरप्रमुख कुर्मीले समाजिक सञ्जाल फेसबुक मार्फत सेवाकेन्द्र सार्ने झुटो प्रचार फैलाएर वातावारण खलबल्याउने काम बन्द गर्न समेत माग गरेका छन् । यस्ता प्रचारको पछि नलाग्न समेत उनले आम नगरबासी सँग आग्रह गरेका हुन् ।
विगत केही महिनाअघि देखि वृन्दावन नगरपालिकाको कार्यालयमा आएर आन्दोलनको नाममा अराजकता फैलाउने कर्मचारी माथि कुटपिट गर्ने, जनप्रतिनिधिलाई ज्यानै मार्दिने धम्की दिने, कार्यालयमा तालाबन्दी गरिने, जनताले पाउने पर्ने सेवामा अवरोध गर्ने जस्ता किसिमको विभिन्न समस्यालाई सामना गरि आफूहरु नडराएर निरन्तर जनताले दिएको जनमतलाई साक्षी राखि आफ्नो अधिकारको प्रयोग गरि ती आन्दोलनको नाममा व्यक्तिगत स्वार्थ पुरा गराउन दिनरात बार्गेनिङ्ग गर्नेहरूलाई कुनै वस्ता नगरेपछि उनीहरूको आन्दोलन पछाडिको वास्तविक अनुहार सम्पूर्ण वृन्दावनबासी राम्रोसँग पहिचान गरिसकेको नगरप्रमुख कुर्मीले बताए ।
नेपाल सरकारले तोकिएर पठाएको स्थानमै कार्यालय रहने र केही दिनभित्र ६ करोडको लागतमा वृन्दावन नगरपालिकाको कार्यालयको शिलान्यास हुने बताएका छन् ।

spot_imgspot_img
spot_img

लोकप्रिय

Related Articles