विश्व उपभोक्ता अधिकार दिवसको अवसरमा चन्द्रपुरमा प्रभातफेरी

चन्द्रपुर – विश्व उपभोक्ता अधिकार दिवसको अवसरमा आज चन्द्रपुर नगरपालिकाले प्रभातफेरीको आयोजना गरेको छ । चन्द्रपुर नगरपालिका कार्यालयबाट शुरु भएको प्रभातफेरी चन्द्रपुर बजार हुदै चन्द्रपुर चौकमा आएर समापन भएको थियो । प्रभातफेरीसंगै उपभोक्ताहरुको प्रत्यक्ष सरोकार रहेको मासुजन्य पसलहरुको अनुगमन गरेको छ । अनुगमनको क्रममा चन्द्रपुर नगरपालिकाका मेयर संजय कुमार काफ्लेले उपभोक्ताहरुको स्वास्थ्यसंग प्रत्यक्ष जोडिएको मासुजन्य बस्तुलाई व्यवस्थित गरि विक्री वितरण गर्न अनुरोध गर्नुभयो । नगरपालिकाले बारम्बार अनुगमनको क्रममा सचेत गराउदा समेत मासु विक्रेताहरुले अटेर गरि खुल्ला रुपमा सडकमै मासु विक्री वितरण गरेकोले अव उप्रान्त यसरी विक्री वितरण नगर्न आग्रह गर्नुभयो । नगरपालिकाको अनुगमन टोली यसरी खुल्ला रुपमा विक्री वितरण गरे सामान जफत गरि नष्ट गर्ने चेतावनी समेत दिनुभयो । बारम्बार उपभोक्ताहरुको स्वास्थ्यलाई ख्याल गरेर विक्रेताले मासु बेच्नुपर्नेमा व्यवस्थित रुपमा विक्री वितरण नगरेकाले अवका दिनमा नगरपालिकाले समेत व्यवस्थित मासु विक्री वितरणको लागि पहल गर्ने बताउनुभयो । सो अवसरमा उपप्रमुख जयमाला कुमारी चौधरीले चन्द्रपुरमा रहेको अव्यवस्थित माछा,मासु पसललाई व्यवस्थित गर्न नगरपालिकाले योजना बनाएकोले व्यवस्थित रुपमा विक्री वितरणका लागि चाडै काम अगाडि बढाउने बताउनुभयो । तर विक्रेताले समेत सामान विक्री गर्दा सफा सुग्घर,व्यवस्थित रुपमा विक्री वितरण गर्नुपर्ने बताउनुभयो । कार्यक्रममा इलाका प्रशासन कार्यालय चन्द्रनिगाहपुरका प्रमुख उपसचिव झरेन्द्र प्रसाद चापागाईले अनुगमनको क्रममा अव्यवस्थित रुपमा माछा,मासु विक्री वितरण गरेको पाइएकोले अवका दिनमा व्यवस्थित रुपमा विक्री वितरण गर्न आग्रह गर्नुभयो । व्यापारीहरु अटेर गरेर जनस्वास्थ्यसंग प्रत्यक्ष रुपमा जोडिएको सरसफाईलाई ध्यान नदिदा त्यसबाट स्वास्थ्यमा पर्ने असरलाई ख्याल गर्न समेत आग्रह गर्नुभयो । कार्यक्रममा इलाका प्रहरी कार्यालय चन्द्रनिगाहपुरका प्रहरी नायव उपरिक्षक एक नराायण कोइराला,चन्द्रपुर नगरपालिकाका प्रमुख प्रशासकीय अधिकृत किरणनिधि तिवारी, चन्द्रपुर उद्योग बाणिज्य संघका अध्यक्ष उदय नारायण सापकोटा,वडा नं। ६ का वडा अध्यक्ष सहदेव केसी, वडा नं। ७ का वडा अध्यक्ष विष्णु प्रसाद उप्रेती, वडा नं। ८ का वडा अध्यक्ष जितेन्द्र कुमार चौधरी, कार्यपालिका सदस्य नेत्र कुश्वार,चन्द्रपुर नगरापालिकाका कर्मचारीहरु,प्रहरी जवानहरु, संचारकर्मी लगायतको सहभागिता रहेको थियो ।