Monday, July 22, 2024

काठ तस्करको ध्यान अब सामुदायिक वनको घाटगद्दीमा , काठ चोर्दा चोर्दै गाडी र काठ बरामद

ताजा / भरखरै प्राप्त

रौतहट,१० बैशाख
रौतहटको एक समुदायिक वन उपभोक्ता समुहको घाटगद्दीबाट काठ चोर्दा चोर्दै गरेको अबस्थामा पिकअप भ्यान सहित काठ बरामद भएको छ । रौतहटको चन्द्रपुर नगरपालिका वाड नं. २ मा रहेको नमुना सामुदायिक वन उपभोक्ता समुहको घाटगद्दीबाट डिभिजन वन कार्यालयको टोलीले काठ सहित पिकअप भ्यान बरामद गरेको हो ।
वनको टोलीले आइतबार राती करिब २ बजे प्रदेश ०२—०३— ००१च ४१७९ नम्बरको पिकअप भ्यान सहित ६३ क्युफिट काठ बरामद गरेको सोही क्षेत्र हेर्ने पौराइ सब डिभिजन वन कार्यालय जुडिबेलाका फरेष्टर शम्भु महतोले जानकारी दिएका छन ।
सो गाडी घाटगद्दीमा काठ लोड गरिसकेको अबस्थामा पक्राउ गरेको र काठ तस्कर फरार भएको फरेष्टर महतोले जानकारी दिए । सो नमुना सामुदायिक वनका उपभोक्त समुहका पदाधिकारीबाट नै काठ चोरी भइरहेको सुराकी आएपछि तुरुन्त वनको टोली काठको घाटगद्दी पुगेको महतोले बताए । बरामद काठ र पिकअप भ्यान डिभिजन वन कार्यालय चन्द्रनिगाहपुरलाइ बुझाइएको छ ।
यता सोही नमुना सामुदायिक वन उपभोक्ता समुह जुडिबेलाका अध्यक्ष अजय कुमार चौधरीले आफनो सामुदायिक वन क्षेत्रमा तस्करले गिद्दे नजर लगाएको थाहा पाएपछि दिनरात गस्ती गर्ने गरेको बताए । तस्कर सल्बलाएको थाहा पाएपछि शनिबार रातभरी गस्ती गरेको र सोही क्रममा तस्करको गाडी घाटगद्दी मै भेटिएपछि वनका कर्मचारीलाइ खबर गरेर गाडी बरामद गर्न सफल भएको अध्यक्ष चौधरीले जानकारी दिए । लामो समय देखी अस्तब्यस्त रहेको उक्त सामुदायिक वनलाइ एउटा ट्रयाकमा ल्याउने काम भएको र आफनो वन क्षेत्रमा तस्करलाइ निषेध गर्ने प्रतिबद्धता समेत अध्यक्ष चौधरीले जनाएका छन ।
सो गाडी कस्को हो भन्ने बारे यातायात ब्यबस्था कार्यालय बिरगंज संग बुझने प्रक्रियामा गएको डिभिजन वन कार्यालय चन्द्रनिगाहपुरका डिभिजन वन प्रमुख सुनिल कुमार कर्णले जानकारी दिएका छन । सो क्षेत्रमा त्यस्ता प्रकारका साना गाडी हिडन थालेपछि निगरानी बढाइएको र उपभोक्ताहरुलाइ पनि सहजग बन्न अनुरोध गरेको डिभिजन वन कार्यालय प्रमुख कर्णले जानकारी दिए ।
हिजो आज तस्करहरु जंगलबाट काठ काटन नपाएपछि घाटगद्दी मै गिद्दे नजर लगाउन थालेको कर्णको भनाइ छ । काठ तस्करहरुले बढी मात्रामा पिकअप भ्यान प्रयोग गरेको पाइएको छ । काठ तस्करी गर्न सजिलो भएको कारण उक्त भ्यानको बढी प्रयोगमा आएका हुन । केही महिना यता मात्रै डिभिजन वन कार्यालय चन्द्रनिगाहपुरले ३ वटा पिकअप भ्यान,१ वटा टेक्टर र १ वटा ट्रक बरामद गरेको डेफु कर्णले जानकारी दिए ।
यसैगरी राज्यको निति र सामुदायिक वनहरुको कागजी अडचनले गर्दा सामुदायिक वनका काठ दाउरा बिक्री बितरणमा ढिलाइ भएको उनको भनाइ रहेको छ । सामुदायिक वनहरुको लेखा परिक्षण देखी बिभिन्न प्रतिबेदन र नबिकरण नहुदा केही सामुदायिक वनका काठहरु कुहिने अबस्थामा रहेको डेफु कर्णले बताए । केही राज्यको नितिको कारणले बिक्री बितरणमा ढिलाइ भएको उनको भनाइ छ । अहिले धेरै सामुदायिक वनहरुले बिक्रि बितरणको लागी अनुमति लगेको र काठ कुहिनबाट जोगाउन वन सक्रिय भएर काम गरिरहेको उनले बताए । रौतहटका करिब ३० भन्दा बढी सामुदायिक वनका लार्खाै क्युफिट काठ कुहिने अबस्थामा छन भने केही काठ डडेलोले समेत नष्ट भएका छन ।

spot_imgspot_img
spot_img

लोकप्रिय

Related Articles