बिषादी रहित तरकारी उत्पादन गर्न २ सय भन्दा बढी महिलालाइ तालिम

चन्द्रपुर – महिलाहरुलाइ आत्मानिर्भरताको बिषादी रहित तरकारी उत्पादन गर्नको लागी चन्द्रपुर नगरपालिकाको बिभिन्न वाडका २ सयभन्दा बढी महिलालाइ तालिम दिइएको छ । महिला सुरक्षा दबाब चन्द्रनिगाहपुरको आयोजनामा र टेवा Tewa नामक संस्थाको आर्थिक सहयोगमा ति महिलाहरुलाइ तालिम दिइएको हो ।
महिलाहरुलाइ आर्थिक रुपमा सक्षम बनाउने उदेश्यले चन्द्रपुर नगरपालिकको वाड नं. २,७,८ र ९ का महिलाहरुलाइ तालिम तथा तरकारीको बिउ बिजन बितरण गरेको आयोजक संस्था महिला सुरक्षा दबाब समुहकी अध्यक्ष देबकी नेपालले जानकारी दिनुभएको छ ।
महिलाहरुलाइ ब्यबसायिक तरकारी खेती कसरी गर्ने र आर्गनिक बिधिबाट तरकारी उत्पादन गर्दा हुने फाइदा बारे जानकारी गराउने उदेश्यले तालिमको आयोजना गरेको अध्यक्ष नेपालले बताउनु भयो ।
चन्द्रपुर नगरपालिको वाड नं. ७ को कालिका माबि बनबहुअरी, वाड नं. ८ को मर्धर,वाड नं. ४,५,६ को चन्द्रनिगाहपुर चोक,वाड नं. २ को जुडिबेलामा तालिम संचालन भइरहेको र केही ठाउमा हुदैगरेको अध्यक्ष नेपालले जानकारी दिनुभयो ।
चन्द्रपुर नगरपालिका कृषि शाखा प्रमुख संदिप देवकोटा,गुजरा नगरपालिका कृषि शाखा प्रमुख पार्वती गौतम,महिला सुरक्षा दबाब समुहकी अध्यक्ष देबकी नेपालले सहभागी महिलाहरुलाइ तालिम दिइरहेका छन ।तालिममा सहभागीहरुलाइ करेला,काक्रो,झिगनी,लौका,मुला,खुर्सानी लगायतका बिउ बिजन बितरण गरेको समेत उहाले जानकारी दिनुभयो ।
गत जेठ ५ गते देखी शुरु भएको तालिम जेठ १९ गते सम्म संचालन हुने अध्यक्ष नेपालले जानकारी दिनुभएको छ ।
तालिममा पशुको मुत्रबाट मल बनाउने बिधि,प्रयोग गर्ने बिधि,बायो ग्यास बनाउने बिधि बारे पनि सहभागीलाइ जानकारी गराइएको उहाले बताउनु भयो ।