Thursday, April 25, 2024

२०४८ साल देखी संसद फेर्दै आएको रौतहट क्षेत्र नं. ४ मा के होला यस बर्ष ?

ताजा / भरखरै प्राप्त

रौतहट – २०४८ साल यताको संघिय संसदमा कुनै पनि संसादले नदोहोराउन सकेको रौतहटको क्षेत्र नम्बर ४ मा चुनावी सरगर्मी यस बर्ष पनि खुब तातेको छ । २०४८ साल यताको निर्वाचनमा रौतहट क्षेत्र नं. ४ मा अहिले सम्म कुनै संसद पनि दोहोरिएर नजितेको ठाउ“मा अबको निर्वाचनमा कस्ले बाजी मार्ला भन्ने सर्बत्र चासोको बिषय बनेको हो । क्षेत्र नं. ४ को २०४८ साल यताको इतिहास हेर्ने हो भने २०४८ सालको निर्वाचनमा नेकपा एमालेको तर्फबाट डा. बंशिधर मिश्रले जितेका थिए । मिश्रले नेपाली कांग्रेसका उमेदवार उद्धब ढकाललाइ हराएका थिए र त्यसपछि २०५१ सालको मध्याबधि निर्वाचनमा नेपाली कांग्रेसका उद्धब ढकालले डा. मिश्रलाइ हराएर चुनाब जितेका थिए ।
२०५५ सालको निर्वाचनमा नेकपा एमालेको तर्फबाट माधब कुमार नेपालले जितेका थिए उक्त निर्वाचनमा पनि कांग्रेसका ढकाल पारजित भएका थिए । २०५६ सालको उप निर्वाचनमा नेपाली कांग्रेसका प्रकाश कोइरालाले एमालेका उमेदवार रामकुमार भट्टराईलाइ पराजित गरी जित हात पारेका थिए । त्यस्तै २०६४ सालको संबिधान सभाको निर्वाचनमा नेकपा माओबादी केन्द्रका देबेन्द्र पटेलले माधब नेपालाइ हराएर जितेका थिए । यसैगरी २०७० सालको संबिधान सभाको निर्वाचनमा हालका संघिय संसद देब प्रसाद तिमलसिनालाइ हराएर नेकपा एमालेको तर्फबाट राम कुमार भट्टराईले चुनाब जितेका थिए र २०७४ सालको निर्वाचनमा नेकपा एमालेका डा.बंशिधर मिश्रलाइ हराएर नेपाली कांग्रेसका देब प्रसाद तिमलसिनाले जित हात पारेका थिए ।
यस बर्ष यो क्षेत्रमा नेकपा एमालेका नेता उद्धब रेग्मी संघिय संसदमा उठेका छन । नेकपा एमालेका केन्द्रिय सदस्य समेत रहेका संघिय संसदका उमेदवार रेग्मी अहिले चुनाबी प्रचार प्रसारमा ब्यस्त छन । २०७४ सालको स्थानिय तहको निर्वाचनमा नेकपा एमालेको तर्फबाट चन्द्रपुर नगरपालिकाको नगर प्रमुखमा केही मतले मात्रै पराजित भएका रेग्मी सर्वप्रिय छन ।
२०५४ सालको स्थानिय निकायको निर्वाचनमा तत्कालीन चन्द्रनिगाहपुर गाबिस अध्यक्षमा निर्वाचित भएर सफल कार्यकाल पुरा गरेका नेता रेग्मी संघिय संसदमा उठेपछि मतदाताहरु पनि उत्साहित भएका छन ।
घरदैलो अभियानमा मतदाता संग भेटदा उत्साह झन बढेको संघिय संसदका उमेदवार रेग्मीले बताए ।
यस क्षेत्रका जनताले २०४८ सालको निर्वाचन यता कुनै पनि उमेदवारलाइ दोहोराएर नजिताएको कारण पनि यस बर्षको निर्वाचनमा आफुलाइ अपार माया र मतका साथ बिजयी हुनेमा ढुक्क रहेको रेग्मीको प्रतिक्रिया छ ।
जनताको काम गर्दा अहिले सम्म जनताको अहित हुने काम नगरेको र जनता माझ कुनै नराम्रो दाग समेत नभएको कारण जनताले आफुलाइ जिताउनेमा विश्स्वस्त रहेको उनको भनाइ छ ।
यसैगरी नेपाली कांग्रेसले सोही क्षेत्रमा निर्बतमान संघिय संसद देब प्रसाद तिमलसिनालाइ संघिय संसदमा उठाएको छ । सत्ताधारी गठबन्धनको तर्फबाट तिमलसिना संघिय संसदको लागी यस क्षेत्रमा तेश्रो पटक प्रधिस्पर्धा गदैछन । पहिलो पटक उनी तत्कालीन नेकपा एमालेका उमेदवार रामकुमार भट्टराई संग पराजित भएका थिए भने दोश्रो पटक २०७४ सालको निर्वाचनमा डा. बंशिधर मिश्रलाइ हराएर संसद भएका थिए ।
यस्तै रौतहट क्षेत्र नं. ४ को क मा नेकपा एमालेको तर्फबाट पुराना नेता अखिलेश्वर चौधरी उठेका छन भने ख मा जसपाको तर्फबाट अब्दुल कलाम आजाद (फुलबाबु) उठेका छन ।
त्यसैगरी सत्ताधारी गठबन्धनबाट क मा नेकपा माओबादी केन्द्रका युवराज भट्टराई उठेका छन भने ख मा नेकपा एसका शेख सतार उठेका छन । क्षेत्र नं. ४ को क मा भने नेकपा एसको तर्फबाट बालकृष्ण श्रेष्ठले उमेदवारी दिएर प्रचार प्रसारलाइ तिब्रता बनाएका छन ।
२०७४ सालको निर्वाचनमा रौतहट क्षेत्र नं. ४ को क मा नेपाली कांग्रेसका धनलाल ठोक्कर बिजयी भएका थिए भने ख मा स्वतन्त्र उमेदवार अब्दुल कलाम आजाद बिजयी भएका थिए । आजादले अहिले जसपाबाट उमेदवारी दिएका छन ।
रोचक कुरा के छ भने रौतहट क्षेत्र नम्बर ४ मा हाल सम्म कुनै पनि संसदले यस क्षेत्रमा दोहोराएर चुनाब जितेका छैनन ।

spot_imgspot_img
spot_img

लोकप्रिय

Related Articles