Thursday, April 25, 2024

रौतहटका म्यादी प्रहरीले पाएनन ड्रेस

ताजा / भरखरै प्राप्त

चन्द्रपुर – निर्वाचन आउन करिब १६ दिन बाकी रहदा समेत रौतहटका म्यादी प्रहरीले अझै पनि ड्रेस पाउन सकेका छैनन । आउदो मंसिर ४ गते हुने प्रतिनिधि सभा र प्रदेश सभाको लागि खटिएका म्यादी प्रहरीको लागि औपचारिक पोसाक समयमा नआउँदा उनीहरु सादा पोसाकमै ड्यूटी गरिरहेका छन् । जिल्ला प्रहरी कार्यालय रौतहटका अनुसार निर्वाचन सुरक्षाको लागि रौतहट जिल्लामा २ हजार ९३९ म्यादी प्रहरी खटाइएको छ ।
शारीरिक तन्दुरुस्ती, लिखित, मौखिक लगायतका परीक्षा उतिर्ण गरेकाहरुलाई सामान्य तालिम पश्चात असोज ३० गतेदेखि ड्युटिमा खटाइएको छ । तर, म्यादी प्रहरीले लगाउने पोसाक नहुँदा जिल्लाका अधिकासं म्यादी प्रहरीहरु सादा पोसाकमै ड्यूटी गरिरहेका छन् । गत स्थानिय तहको निर्वाचनमा खटिएका म्यादी प्रहरी भने पुरानै पोसाकमा ड्यूटी गरिरहेका छन् ।
सादा पोसाकमा हातमा लौरो बोकेर विभिन्न स्थानहरुमा ड्यूटी गरेका म्यादी प्रहरीहरुलाई देखेर स्थानिय झुक्किने गरेका छन् । हातमा लौरो घुमाउँदै ८–१० जनाको समूह गाउँ, टोल, चोक, बजार घुम्दा म्यादी प्रहरी भन्दा पनि लठैतको समूह जस्तो देखिने स्थानिय जितेन्द्र साह बताउँछन् ।
‘हातमा लौरो बोकेर भैंसी चराउन बसेकाहरु पनि म्यादीनै हुन् कि भनेर म आफै धेरै पटक भुक्किएको छुँ’ उनले भने, ‘जिल्ला प्रहरी कार्यालयले यथासक्य चाँडो उनीहरुलाई पोसाकको व्यवस्था गर्नुपर्छ । नभए सादा पोसाकमा ड्युटि खटाउने काम बन्द गर्नुपर्छ ।’
एउटै उमेर समुहका युवायुवती हातमा लौरो बोकेर हिड्दा म्यादी प्रहरीनै हो भनेर नचिन्दा समस्या देखा पर्ने गरेको स्थानियको अनुभव छ । हातमा लौरो बोकेर हिडेकाहरुलाई म्यादीनै हुन भन्ने नजिर स्थापना गर्न प्रहरी तल्लिन रहेको स्थानीयको बुझाइ छ । म्यादी पोसाक नभएर सादा पोसासका ड्यूटी गर्नुपर्दा आफुहरुलाई पनि असहज भइरहेको एक म्यादी प्रहरीले गुनासो गरे ।
आफूहरुले पटक पटक पोसाकको बारेमा प्रहरी अधिकारीहरुलाई भन्दा भोलि–भोलि भनेर टार्ने गरेको उनीहरुको भनाइ छ । पोसाकमा ड्यूटी गर्दा औपचारिकता देखिने भएपनि अहिलेसम्म पोसाकको व्यवस्था किन नभएको आफूहरुले बुझ्न नसकेको उनीहरुको भनाइ छ ।
यता जिल्ला प्रहरी कार्यालय रौतहटका प्रमुख विर बहादुर बुढा भने अब २÷३ दिनमा सबै म्यादी प्रहरीलाई पोसाकको व्यवस्था हुने दावी गर्छन् । उनले केही कारणवश म्यादी प्रहरीहरुको पोसाक आउन ढिलो भएको भन्दै चाँडोभन्दा चाँडो यो समस्या समाधान हुने विश्वास व्यक्त गरे ।
एक प्रहरी अधिकारीका अनुसार म्यादी पोसाक उपलब्ध गराउने ठेकेदारले ढिला उपलब्ध गराएकाले म्यादी प्रहरी पोसाक पाउन ढिला भएको हो । जिल्लाका प्रहरी अधिकारीहरुको लापरवाही र ढिलासुस्तीका कारण समयमै म्यादी प्रहरीको लागि पोसाक आउन नसकेको स्थानियको बुझाइ छ ।
नेपाल प्रहरीले ड्यूटीमा जानुअघिनै म्यादी प्रहरीहरुलाई पोसाकको व्यवस्था हुनुपर्नेमा १५ दिन बढि बितिसक्दा पनि व्यवस्था गर्न नसक्नु लाजैमर्दो भएको स्थानियको भनाइ छ । सादा पोसाकमा लौरो बोकेर गाउँघर डुलिरहेकाहरु म्यादी हुन कि अन्य हुन पहिचान गर्न सर्वसाधरणलाई सकस भइरहेको छ ।

spot_imgspot_img
spot_img

लोकप्रिय

Related Articles