Saturday, June 22, 2024

अदालतले समलिंगी जोडीलाई विवाह दर्ता गर्न आदेश दिएपछि चपुरमा खुशीयाली

ताजा / भरखरै प्राप्त

चन्द्रपुर – सर्वोच्च अदालतले यौनिक तथा लैङ्गिक अल्पसंख्यक जोडीलाई विवाह दर्ता गर्न अन्तरिम आदेश दिएपछि रौतहटका समलिंगीहरुले चन्द्रनिगाहपुरमा एक कार्यक्रमको आयोजना गरी खुशीयाली मनाएका छन ।
सर्वोच्च अदालतका न्यायाधीश तिलप्रसाद श्रेष्ठको एकल इजलासले अस्थायी अभिलेख रहने गरी विवाह दर्ता गर्न पाउने आवश्यक व्यवस्था गर्न अन्तरिम आदेश दिएको थियो ।
पिङकी गुरुङ भन्ने संजिव गुरुङले प्रधानमन्त्री तथा मन्त्रिपरिषद्को कार्यालयलाई विपक्षी बनाइ दायर गरेको रिटमा अदालतले विपक्षीको नाममा कारण देखाऊ आदेशसमेत जारी गरेको छ।
नेपालको संविधानको धारा १२ मा लैङ्गिक पहिचानसहितको नेपालको नागरिकताको प्रमाणपत्र पाउन सक्ने व्यवस्था रहेको, मुलुकी देवानी संहिता, २०७४ को दफा ६९(१) मा प्रत्येक व्यक्तिलाई विवाह गर्ने स्वतन्त्रता हुने गरी व्यवस्था भएको तथा नेपालको संविधानको धारा १८(१)मा सबै नागरिकको कानूनको दृष्टिमा समान हुने व्यवस्था भइरहेको देखिँदा प्रस्तुत रिट निवेदनको अन्तिम किनारा लगाउँदाको बखत अन्यथा हुने ठहेरमा सोही बमोजिम हुने गरी हाललाई प्रस्तुत रिट निवेदनका निवेदकहरू र निवेदक सरहका जोडीहरूले निवेदन माग गरेमा विवाहको अस्थायी अभिलेख रहने गरी विवाह दर्ता गर्न पाउने आवश्यक व्यवस्था गर्नु गराउनु भनी सर्वोच्च अदालत नियमावली, २०७४ को नियम ४९(२)(क) बमोजिम विपक्षीहरुका नाममा अन्तरिम आदेश जारी गरिदिएको छ।
सप्तरंगी नेपालको आयोजनामा चन्द्रनिगाहपुरमा बिभिन्न कार्यक्रम गरी खुशीयाली मनाइएको सोही संस्थाकी कार्यक्रम संयोजक जिना रानाले जानकारी दिएकी छिन । यौनिक तथा लैङ्गिक अल्पसंख्यक जोडीलाई कानुनी रुपमा विवाह गर्न पाउनु खुशीको कुरा भएको रानाको भनाइ रहेको छ । यसैबिच जुन महिना यौनिक तथा लैङ्गिक अल्पसंख्यकको लागी रमाइलो महिना भएको कारण पनि कार्यक्रम गरी खुशी साटासाट गरेको उनले बताइन । चन्द्रपुर र गढीमाइ नगरपालिकाको सहयोगमा भएको उक्त कार्यक्रममा जिल्लाभरीका यौनिक तथा लैङ्गिक अल्पसंख्यकहरुको सहभागिता रहेको थियो ।

spot_imgspot_img
spot_img

लोकप्रिय

Related Articles