Thursday, May 23, 2024

आखा पाक्ने रोगको चन्द्रपुर नगरपालिकाद्धारा निशुल्क औषधीको ब्यबस्था

ताजा / भरखरै प्राप्त

चन्द्रपु्र – रौतहटको चन्द्रपुर नगरपालिकाले आँखा पाक्ने रोगीका बिरामीहरुलाइ निशुल्क औषधीको ब्यबस्था गर्ने भएको छ । चन्द्रनिगाहपुरमा केही दिनदेखि गर्मी बढेसँगै आँखा पाक्ने रोगको प्रकोप बढेपछि नगरपालिको निशुल्क औषधीको ब्यबस्था गरेको हो । आँखा पाक्ने रोगको संक्रमण बढ्दै गएपछि चन्द्रपुर नगरपालिकाले सवै सामुदायिक स्वास्थ्य चौकी, चन्द्रनिगाहपुर अस्पतालमा निशुल्क औषधीको व्यवस्था गरेको चन्द्रपुर नगरपालिकाका नगर प्रमुख संजय कुमार काफलेले बताउनु भएको छ । आँखा पाक्ने रोगबाट धेरै जना बिरामी भएपछि निशुल्क औषधीको व्यवस्था गरिएको नगर प्रमुख काफलेले जानकारी दिनुभयो । उहाँका अनुसार यो संगै सर्पदंश र विभिन्न रोगका औषधीहरु पनि निशुल्क गरिएको छ । पछिल्लो समय आँखा पाक्ने रोगबाट बढी विद्यार्थी र शिक्षक प्रभावित भएका छन् । बिरामीको आँखामा सङ्क्रमण बढ्दै जाँदा थप समस्या आउने भएकाले समयमा ध्यान दिन स्वास्थ्यकर्मीहरूले सुझाव दिएका छन् । बर्खाको समयमा सक्रिय हुने एडिनो भाइरस हावामा लामो समयसम्म बाँच्ने भएकाले आँखा पाक्ने रोगको सङ्क्रमण बढी हुने विज्ञहरू बताउँछन् । आँखा रातो हुने, चिलाउने वा चिपचिप गर्ने बित्तिकै आफू खुशी औषधी किनेर लगाउँदा आँखामा जटिल समस्या आउने भएकाले स्वास्थ्यकर्मीको सुझाव विना औषधि प्रयोग नगर्न आखाँका चिकित्सकहरुले बताउनुभएको छ ।सङ्क्रमण विभिन्न कारणले हुने हुँदा सम्बन्धित अस्पतालमै गएर जाँच गराउनुपर्ने उनीहरुको सुझाव छ ।आँखाको भाइरल एउटा परिवारमा देखिए सबैमा सर्न सक्ने भएकाले सरसफाइमा ख्याल गर्नुपर्छ भने ढिला गरी उपचारमा आउँदा आँखाको नानीमा घाउ हुने र त्यसले सधैँका लागि दृष्टि गुम्न पनि सक्छ । आँखामा संक्रमण देखिएमा समयमा उपचार गर्न गौर आँखा अस्पतालले सवैमा आग्रह गरेको छ । कन्जनटिभाइटिस भाइरसबाट लाग्ने सरूवा रोगका कारण दैनिक आउने बिरामीको संख्या बढेको अस्पतलाले जनाएको छ । सङ्क्रमणबाट जोगिनका लागि सङ्क्रमित व्यक्तिको नजिक नबस्ने, भिडभाडमा नजाने, बिरामीले प्रयोग गरेका औषधि, रुमाल, फोन, सिरानी तथा ओच्छ्यान प्रयोग गर्नु हुँदैन । त्यस्तै औषधि प्रयोग गरिसकेपछि हातधुने, आँखा नछुने तथा चस्माको प्रयोग गर्नुपर्छ । अनावश्यकरुपमा भिडभाडमा नजाने तथा जानै परे चस्माको प्रयोग गर्ने र लक्षण देखिएमा अस्पतालमा जाँच गराउन गौर आँखा अस्पतालले भनेको छ । मौसम परिवर्तन भएसँगै आँखा पाक्ने रोगको प्रकोप बढेको आँखा रोग विशेषज्ञहरूले बताएका छन् । शुरुका दिनमा बिरामीको आँखा रातो हुने, चिलाउने, आँसु बग्ने र घाममा हेर्न नमिल्ने जस्ता लक्ष्ण देखिने गरेको छ । विद्यालय र समुदायमा आँखा पाक्ने तथा आँखा रातो हुने बिरामीको सङ्ख्या बढ्दै छ । यसैबिच चन्द्रनिगाहपुरमा संचालित मुनलाइट ऐकेडेमीले पनि आखा पाक्ने रोगी बढेको कारण बिहीबार र शुक्रबार बिधालय बन्द गरेको छ । बिधार्थी तथा शिक्षकहरु्रमा आखा पाक्ने रोग लागेपछि बिद्यालय बन्द गरेको प्रचार्य श्याम किशोर चौधरीले जानकारी दिएका छन ।

spot_imgspot_img
spot_img

लोकप्रिय

Related Articles