नुनथर गाउको जमिनको नाप नंक्सा गरिदिन स्थानियको आग्रह,चरणबद्ध आन्दोलन गर्ने चेताबनी

रौतहट,१३ असार
नया नया बस्तीका जमिन धमाधम नापेर लालपुर्लाको लागी सिफारिस गरेको तर ३८ बर्ष पुरानो बस्ती भुमी आयोग रौतहटले ननापेको भन्दै रौतहटको चन्द्रपुर नगरपालिका वाड नं. १ नुनथरबासी आन्दोलित भएका छन । उनीहरुले संघर्ष समिति नै बनाएर चाडो भन्दा चाडो सो बस्तीको जमिन नंसाक्नको लागी नापी गरिदिन आग्रह गरेका छन । नुनथर मधेश प्रदेश कै पर्यटकिय स्थल हो । करिव ३८ बर्ष देखि बसोबास गर्दै आएका सो बस्तिका बासिन्दाले आयोगको फाराम नियमनुसार भरेको भएपनि वडा कार्यालय सिफारिस नगरेका कारण समस्या भएको गुनासो गरेका छन् । आफुहरुले भोगचलन गरेको ऐलानी जमिनको राजश्व (तिरो) तिर्दै आएको भएको पनि हाल वडा कार्यालयले यस प्रति कुनै चासो नदिएको बस्तिका बासिन्दाको आरोप छ । पर्यटकिय क्षेत्र नुनथरमा घुम्न आउने पर्यटकका लागि खाना र खाजाका पसल संचालन गर्दै आएका उनीहरुले आफनो मागको सुनुवाई नभएकाले वाध्य भएर सर्घष समिति गठन गरेको बताएका छन् । धेरै बर्ष पुरानो बस्ति भएकाले यसलाई व्यवस्थित गर्दै आयोगले नापी नक्सा गर्नु पर्ने माग सर्घष समितिको छ ।
पटक पटक वडा कार्यालयलाई यस बिषयमा ध्यानकर्षण गर्दा समेत कुनै किसिमको सुनुवाई नभएको स्थानिय सन्तोष दाहालले बताए । उनका अनुसार आफू पनि यस क्षेत्रमा बर्षौ देखि बस्दै आएकाले व्यवस्थित गर्नु पर्ने अडानमा रहेको उल्लेख गरे । यसअघिका वडा अध्यक्षले यस बिषयमा चासो दिएको भएपनि अहिलेले कुनै सुनुवाई नगरेकोमा उनले दुखेसो गरे ।
आफुहरुको माग प्रति सम्वन्धित निकाय गम्भिर नभएका कारण आन्दोलनका कार्यक्रम गर्ने सर्घष समितिका संयोजक श्रवण लामाले बताए । बर्षौ देखिका पुस्ता यहाँ बसोबास गरेको उल्लेख गर्दै अहिले हटाउने प्रयास भएकाले त्यसमा आफुहरुको आपति रहेको उनको भनाई छ । २०६९ साल देखि यहाँको ऐलानी जमिनमा बसोबास गरेका घरधुरीले वडालाई तिरो तिर्दै आएकाले वडा कार्यालयले भुमी आयोगमा नापी नक्साका लागि सिफारिस गर्नु पर्ने उनको माग छ ।
८÷१० बर्ष बसेका बस्तीहरुमा धमाधम नाप नंसाक्न हुदा यो धेरै पुरानो बस्ती भुमी आयोगले सो क्षेत्रको जमिन नापेर सिफारिस गर्नुपर्ने स्थानिय सक्रिय युवा गौतम खडकाको भनाइ छ । करिब ४ दशक बसोबास गदै आएको सबैलाक्ष् थाहा हुदा हुदै पनि वाड कार्यालयले पनि सिफारिस नगनु दुखद भएको खडकाको धारणा छ । केही समस्ष भए समाधान गरेर सकरात्मक सोच लिएर यस क्षेत्रको जमिनको नाप नंसाक्कन गर्नु वाड कार्यालय तथा भुमी आयोगलाइ खडकाले आग्रह समेत गरेका छन ।
यता चन्द्रपुर नगरपालिका वडा नं. १ का वडा अध्यक्ष बलराम राउतले सो क्षेत्र नुनथर धार्मिक तथा पर्यटकिय वन उपभोक्ता समुहको नंक्सानकमा परेको हुदा सिफारिस गर्न नसकेको बताए ।
बस्ती पुरानो हो तर सो धार्मिक वनले २०७६ सालको कार्ययोजनामा नुनथर गेट देखी जोगी खोला सम्मको करिब ३ हेक्टर जमिन वन क्षेत्रमा नंक्सान गरेको कारण समस्या भएको वाड अध्यक्ष राउत बताउछन । उनले सो क्षेत्र वनको नंक्साकनबाट हटाए सिफारिस गर्न कुनै कठिनाइ नभएको प्रतिक्रिया दिएका छन । उनले विकास समितिसंग समन्वय गर्न उनले आग्रह गरे ।
सो बस्तीमा १७ घरधुरी छन । हरेक घरधुरीले १०÷१० धुर क्षेत्रफल लिएर बसेका छन । राष्ट्रिय भुमी आयोग रौतहटले नियमनुसार परेका निवेदनका आधारमा कार्य प्रक्रिया अघि बढाउने बताएको छ ।